Íslendingurinn yfirheyrður við komuna til Málaga

Knattspyrnumaðurinn Eggert Aron Guðmundsson skrifaði undir þriggja ára samning við norska úrvalsdeildarfélagið Brann á dögunum.

Eggert, sem er 21 árs gamall, gekk til liðs við norska félagið frá Elfsborg í Svíþjóð en hann flaug beint til Málaga á Spáni þar sem Brann er í æfingaferð.

Frétt af mbl.is

Eggert verður lærisveinn Freys í Noregi

Við komuna til Málaga tóku á móti honum norskir blaðamenn frá Bergen og létu þeir spurningarnar dynja á honum við komuna til Spánar.

„Hvernig var flugið? Af hverju viltu spila fyrir Brann? Hvað kemur þú með að borðinu fyrir félagið? Hvað er uppáhaldsstaðan þín á vellinum?“ voru allt spurningar sem Íslendingurinn fékk á flugvellinum en myndband af þessu má sjá í spilaranum hér fyrir neðan.

• Blogga um frétt