Mögnuð úrslit í Noregi – lygilegur sigur Lazio
Setja bókamerki
Norska liðið Bodø/Glimt gerði sér lítið fyrir og sigraði stórlið Olympiacos frá Grikklandi, 3:0, á heimavelli sínum í fyrri leik liðanna í átta liða úrslitum Evrópudeildarinnar í fótbolta.
Heimamenn komust yfir á 13. mínútu með sjálfsmarki og Daninn Kasper Høgh kom þeim í 2:0 á 45. mínútu og í 3:0 á 55. mínútu og þar við sat.
Frankfurt gerði góða ferð til Amsterdam og sigraði Ajax, 2:1. Brian Brobbey kom Ajax yfir snemma leiks en þeir Hugo Larsson og Ellyes Skhiri svöruðu fyrir Frankfurt.
Roma vann dramatískan sigur á Athletic Club á heimavelli, 2:1. Inaki Williams kom spænska liðinu yfir á 50. mínútu en sex mínútum síðar jafnaði Angelino. Varamaðurinn Eldor Shomurodov skoraði svo sigurmarkið í uppbótartíma.
Lazio, sem er einnig frá Róm, vann ekki síður dramatískan sigur er liðið sótti Viktoria Plzen heim til Tékklands. Urðu lokatölur 2:1. Alessio Romagnoli kom Lazio yfir á 18. mínútu en Rafiu Durosinmi jafnaði á 53. mínútu.
Nicoló Rovella fékk beint rautt spjald á 77. mínútu hjá Lazio og liðsfélagi hans Samuel Gigot fékk sömuleiðis rautt spjald á þriðju mínútu uppbótartímans. Þrátt fyrir að vera tveimur færri skoraði Gustav Isaksen sigurmark Lazio á áttundu mínútu uppbótartímans.
Hnífar, fíkniefni og stríðsástand á Stuðlum
Kristrún: Góð samskipti við Bandaríkin skipta sköpum
Hefur rætt við Hegseth og vill tala við Rubio
Er einkunnin ljósgræn eða dökkgræn?
„Engar vísbendingar um að þessu sé að ljúka“
„Þessar ákvarðanir þarf að taka núna“
Örn yfir Geldinganesi
Tusk: „Kjarnorkuregnhlíf“ Frakklands lofar góðu