United gerði jafntefli við lið Orra
Setja bókamerki
Real Sociedad og Manchester United skildu jöfn, 1:1, í fyrri leik liðanna í 16-liða úrslitum Evrópudeildar karla í knattspyrnu á Reale Arena í San Sebastián í kvöld.
Seinni leikur liðanna fer fram eftir nákvæmlega viku á Old Trafford.
Joshua Zirkzee kom United yfir á 58. mínútu leiksins. Þá fékk hann sendingu frá Alejandro Garnacho og smellti boltanum viðstöðulaust á mitt markið og inn. Álex Remiro markvörður Sociedad var illa staðsettur og varði skotið þess vegna ekki.
Mikel Oyarzabal jafnaði metin á 70. mínútu úr víti. Þá hafði Bruno Fernandes fengið boltann í höndina inn í teig og eftir athugun í VAR-sjánni benti Ivan Kruzliak dómari á punktinn.
Oyarzabal sendi André Onana markvörð í vitlaust horn og jafnaði metin, 1:1.
Landsliðsmaðurinn Orri Steinn Óskarsson kom inn á 63. mínútu og fékk tvö góð færi en tókst ekki að kom boltanum í netið.
| Real Sociedad | 1:1 | Man. United |
|
|---|---|---|---|
| Fimm mínútur í uppbótartíma. | |||
Hafna baktjaldamakki Trumps og kosningum á stríðstíma
Leikskólar fyrst og fremst fyrir börn, ekki foreldra
Hefur rætt við Hegseth og vill tala við Rubio
Er einkunnin ljósgræn eða dökkgræn?
„Þessar ákvarðanir þarf að taka núna“
„Engar vísbendingar um að þessu sé að ljúka“
Munu sækja rétt sinn eftir hryðjuverkamálið