Neymar útskýrir fjarveru sína

Knattspyrnustjarnan Neymar var ekki með Santos þegar liðið tapaði fyrir Corinthians, 2:1, í brasilíska fótboltanum í gærkvöldi. 

Neymar er nýkominn aftur til uppeldisfélags síns Santos en hann kom til liðsins frá Al Hilal í Sádi-Arabíu eftir að hafa nánast ekkert spilað vegna meðisla. 

Neymar hefur mikið glímt við meiðsli síðustu ár en hann var ekki með í gærkvöldi vegna lítilla meiðsla. 

„Ég vildi svo mikið vera með og hjálpa liðinu en á fimmtudaginn fann ég fyrir einhverju og gat því ekki verið með í dag. 

Þetta er versti hluti fótboltans, en ég mun koma til baka enn sterkari,“ skrifaði Neymar á Instagram. 

• Blogga um frétt