Slot: „Besti leikur sem ég verið hluti af“
Setja bókamerki
Arne Slot, knattspyrnustjóri Liverpool, var hreykinn af frammistöðu liðs síns þrátt fyrir að liðið hafi fallið úr leik eftir vítaspyrnukeppni gegn París SG í 16-liða úrslitum Meistaradeildar Evrópu í gærkvöldi.
Staðan var jöfn, 1:1, samanlagt í einvíginu að lokinni framlengingu og voru gestirnir frá París sannfærandi í vítaspyrnukeppninni, en þeir skoruðu úr öllum fjórum spyrnum sínum og unnu þannig 4:1.
„Þetta var besti fótboltaleikur sem ég hef verið hluti af. Þetta var ótrúleg frammistaða, sérstaklega samanborið við frammistöðuna í síðustu viku.
Kannski sagði gæfan skilið við okkur því það var svo mjótt á mununum. Við spiluðum hinn fullkomna leik fyrir utan að við skoruðum ekki mark.
Þetta var svipað og í París í síðustu viku þegar þeir spiluðu hinn fullkomna leik og skoruðu ekki. Svo voru þeir kannski aðeins betri í framlengingunni,“ sagði Slot í samtali við Amazon Prime eftir leikinn í gærkvöldi.
Rannsaka manndráp á Suðurlandi
Óvíst hvort maðurinn hafi verið þvingaður í bílinn
Töldu það ekki sitt að upplýsa bæjarstjórann
Stjórnvöld bíða á meðan börn dúsa í fangaklefum
Spyr hvort verkalýðshreyfingin hafi neitunarvald
„Svo varð bruninn og þá fór allt til helvítis“