Noregsmeistararnir vilja fá Loga
Setja bókamerki
Noregsmeistarar Bodö/Glimt hafa mikinn áhuga á að fá landsliðsmanninn Loga Tómasson í sínar raðir frá Strömsgodset.
Nettavisen segir að samkvæmt sínum heimildum séu viðræður í gangi á milli félaganna en Logi hefur áður verið orðaður sterklega við Brann sem varð í öðru sæti í Noregi á síðasta tímabili.
Samkvæmt heimildum mbl.is ber þó talsvert á milli hjá félögunum því Strömsgodset vill fá háa upphæð fyrir Loga sem er samningsbundinn félaginu til loka tímabilsins 2026.
Logi var einn besti vinstri bakvörðurinn í norsku úrvalsdeildinni á síðasta tímabili en Strömsgodset hafnaði þá í sjöunda sæti deildarinnar. Hann kom til félagsins frá Víkingi síðsumars árið 2023.
Bodö/Glimt er orðið sannkallað stórveldi í norska fótboltanum eftir sigurgöngu síðustu ára en í gær tryggði liðið sér sæti í átta liða úrslitum Evrópudeildarinnar með því að slá út Olympiacos frá Grikklandi, 4:2 samanlagt. Norsku meistararnir mæta Lazio frá Ítalíu í átta liða úrslitum.
Daði: Vafasamt met Íslands með covid-aðgerðum
Lögðu hald á rangan Golf og greindu svo frá stuldi
Gæti skapað átta milljarða króna ávinning
Um 600 skjálftar hafa mælst
Rannsóknin á viðkvæmu stigi
Ásthildur: „Ég hljóp á mig“
„Vinna sem ég hlakka til að leiða og takast á við“