Albert í liði umferðarinnar

Albert Guðmundsson, landsliðsmaður í knattspyrnu, er í úrvalsliði 29. umferðar í ítölsku A-deildinni.

Albert skoraði glæsilegt mark í gærkvöld þegar Fiorentina lék Juventus grátt í Flórens og  sigraði 3:0 en Albert brunaði þá í átt að vítateig Juventus og skoraði þriðja mark liðsins með föstu skoti.

Hann er á leið til Spánar í dag til móts við íslenska landsliðið sem býr sig þar undir leikina tvo gegn Kósóvó í umspili Þjóðadeildar karla á fimmtudag og sunnudag.

• Blogga um frétt