Gæti séð eftir ummælunum

Skoski knattspyrnumaðurinn John McGinn, miðjumaður Aston Villa, segir samherja sinn hjá skoska landsliðinu Lennon Miller þurfa að gæta orða sinna.

Miller, sem er aðeins 18 ára gamall, er í A-landsliðshóp Skotlands í fyrsta sinn fyrir umspilsleiki í Þjóðadeildinni gegn Grikklandi.

„Ég er auðvitað ekki að koma hingað og er besti leikmaðurinn en ég hef trú á því að ég gæti kannski verið besti leikmaðurinn hérna eftir tvo mánuði,“ sagði kokhraustur Miller við fréttamenn er hann var valinn í landsliðið.

„Hann hugsar eflaust með sér: „Af hverju sagði ég þetta?“ En ég sagði sjálfur fullt af heimskulegum hlutum þegar ég var að brjóta mér leið í aðalliðið hjá St. Mirren,“ sagði McGinn á fréttamannafundi í dag.

• Blogga um frétt