United gæti skipt á framherjum við Napoli

Forráðamenn ítalska knattspyrnufélagsins Napoli hafa mikinn áhuga á danska framherjanum Rasmus Höjlund.

Það er Gazetta dello Sport sem greinir frá þessu en Höjlund, sem er 22 ára gamall, er samningsbundinn Manchester United.

Frétt af mbl.is

Endar líklega í ensku úrvalsdeildinni

Forráðamenn United eru sagðir opnir fyrir því að selja framherjann en vilja fá í kringum 50 milljónir punda fyrir hann.

Það er upphæð sem ítalska félagið ræður illa við en félagið íhugar nú að setja nígeríska framherjann Victor Osimhen upp í kaupin.

Osimhen, sem er 26 ára gamall, er sem stendur á láni hjá Galatasaray í Tyrklandi þar sem hann hefur skorað 20 mörk í 22 leikjum í tyrknesku úrvalsdeildinni á tímabilinu.

• Blogga um frétt