Fékk að snúa aftur í landsliðið

Emilio Nsue, markahæsti leikmaður í sögu karlaliðs Miðbaugs-Gíneu í knattspyrnu, er kominn aftur í landsliðið, tæpu ári eftir að FIFA úrskurðaði að hann hafi aldrei verið gjaldgengur til þess að spila fyrir liðið.

Knattspyrnusamband Miðbaugs-Gíneu kveðst hafa óskað eftir því við FIFA árið 2013 að Nsue fengi að skipta um ríkisfang en FIFA kannast ekki við að slík beiðni hafi borist. Í fyrstu tveimur landsleikjunum sem hann tók þátt í með Miðbaugs-Gíneu var andstæðingunum dæmdur 3:0-sigur.

Frétt af mbl.is

Með 23 landsliðsmörk en var aldrei gjaldgengur

Þrátt fyrir það hélt Nsue áfram að spila fyrir landsliðið og raðaði inn mörkum. Það var svo ekki fyrr en síðasta sumar sem Nsue var úrskurðaður í sex mánaða bann frá landsliðsfótbolta og átti ekki endurkvæmt í landsliðið þar sem formlegt leyfi fékkst aldrei fyrir því að hann skipti um ríkisfang, en Nsue lék fyrir yngri landslið Spánar.

Skoraði í endurkomunni

FIFA grein­di frá því síðasta sumar að knatt­spyrnu­sam­band Miðbaugs-Gín­eu hafi á sín­um tíma óskað eft­ir því við knatt­spyrnu­sam­band Spán­ar að Nsue fengi að skipta um rík­is­fang en að slík beiðni hafi sem áður segir ekki borist til FIFA.

Sambandið í Miðbaugs-Gíneu lagði fram aðra beiðni á þessu ári og í byrjun marsmánaðar, tólf árum síðar, samþykkti FIFA að Nsue væri gjaldgengur til að spila fyrir Miðbaugs-Gíneu.

Liðið vann Saó Tóme og Prinsípe 2:0 í undankeppni HM 2026 í dag þar sem hann skoraði vitanlega í endurkomunni, sitt 24. mark í 44. landsleiknum.

• Blogga um frétt