Auðvelt í öðrum leik Tuchels
Setja bókamerki
England átti ekki í miklum vandræðum með að sigra Lettland, 3:0, á Wembley-leikvanginum í Lundúnum í kvöld.
Leikurinn var liður í undankeppni HM en liðin eru bæði í K-riðlinum ásamt Albaníu, Serbíu og Andorra.
England er í toppsæti riðilsins með sex stig, fullt hús, en Lettland er í þriðja með þrjú stig. Albanía vann Andorra, 3:0, í kvöld og er með þrjú stig í öðru sæti. Andorra hefur tapað tveimur fyrstu leikjum sínum og Serbía hefur ekkert spilað enn þá.
Reece James kom Englandi yfir á 38. mínútu með glæstu aukaspyrnumarki, 1:0.
Harry Kane tvöfaldaði forystu Englands á 68. mínútu eftir sendingu frá Declan Rice og Eberechi Eze skoraði þriðja mark Englands sjö mínútum síðar eftir sendingu frá Phil Foden.
Þetta var annar leikur Þjóðverjans Thomas Tuchel sem landsliðsþjálfari Englands en hann hefur unnið báða.
Þjálfun á dýnum og vopnuð í hermi
Segir ákvörðun um veiðigjöld illa undirbúna
Rússar skilji aðeins valdbeitingu
Nemendum á miðstigi hótað: Hringt á lögreglu
Svipuð þróun í neyslu og afbrotum og fyrir 30 árum
Blaðamenn verjast árásum
Lykt staðfest af neysluvatni og lækkað ph-gildi
Ljóst að njósnir séu stundaðar hérlendis