Svo viss að hann keypti hús

Tyrkinn Arda Güler er svo viss að hann muni eiga farsælan feril hjá spænska knattspyrnustórveldinu Real Madrid að hann keypti hús í Madridarborg. 

Þetta sagði hann í viðtali við Marca. 

Güler hefur verið á milli tannanna á fólki eftir að hann og Dominik Szobozlai skiptu á skotum eftir landsleiki Tyrklands og Ungverjalands. 

Tyrkland vann samanlagt 6:1 en Szoboszlai og Güler áttu í deilum í kjölfarið þar sem Ungverjinn skaut meðal annars á hversu lítið Tyrkinn spili hjá Real Madrid. 

Güler, sem varð tvítugur í síðasta mánuði, hefur aðeins byrjað sex leiki í spænsku deildinni. 

Hins vegar er hann viss um framtíð sína hjá félaginu og sagðist hafa keypt hús í borginni til að búa í næstu árin. 

Frétt af mbl.is

„Nægja sex mörk ekki til að þú haldir kjafti?“

• Blogga um frétt