Sannfærandi hjá Barcelona

Barcelona náði þriggja stiga forskoti á toppi spænsku 1. deildarinnar í fótbolta með sigri á Osasuna, 3:0, á heimavelli sínum í kvöld.

Ferrán Torres kom Barcelona yfir á 11. mínútu og tíu mínútum síðar tvöfaldaði Dani Olmo forskot heimamanna.

Var staðan 2:0 fram að 77. mínútu en þá bætti pólska markavélin Robert Lewandowski við þriðja markinu og þar við sat.

Barcelona er með 63 stig, þremur stigum á undan Real Madrid í öðru sæti. Atlético Madrid er í þriðja með 56 stig.

• Blogga um frétt