Verður Klopp næsti stjóri spænska stórveldisins?

Þjóðverj­inn Jür­gen Klopp er of­ar­lega á lista Real Madrid sem næsti knatt­spyrn­u­stjóri karlaliðs fé­lags­ins ef Ítal­inn Car­lo Ancelotti hætt­ir eft­ir tíma­bilið.

Spænski miðil­inn Sport seg­ir frá en Klopp hætti sem stjóri karlaliðs Li­verpool eft­ir síðasta tíma­bil. 

Frétt af mbl.is

Klopp hafnaði boði Slot

Real Madrid hef­ur ekki gengið vel á tíma­bil­inu en liðið mæt­ir Arsenal í seinni leik liðanna í átta liða úr­slit­um Meist­ara­deild­ar­inn­ar í Madri­dar­borg í kvöld. 

Arsenal er 3:0-yfir eft­ir fyrri leik­inn og verður verk­efnið því krefj­andi fyr­ir Madri­dar­menn. 

Þá er liðið einnig fjór­um stig­um á eft­ir toppliði Barcelona í spænsku deild­inni þegar sjö um­ferðir eru eft­ir. 

Sam­kvæmt Sport eru efa­semd­ir hjá for­ráðamönn­um Real Madrid um hvort Ancelotti, sem hef­ur unnið allt hjá fé­lag­inu, geti haldið áfram með liðið. 

Þá hafa áhrifa­menn í kring­um for­seta fé­lags­ins Flor­ent­ino Pér­ez stungið upp á því að reyna fá Klopp. 

Klopp tók við sem yf­ir­maður knatt­spyrnu­mála hjá Red Bull á síðasta ári og ekki ljóst hvort hann myndi vilja verða stjóri Real Madrid.

• Blogga um frétt