Postecoglou ómyrkur í máli

„Ef það er svona auðvelt að kom­ast í úr­slita­leik, af hverju gera þá öll liðin sem enda í topp þrem­ur það ekki?“ spurði Ange Postecoglou, knatt­spyrn­u­stjóri Totten­ham Hot­sp­ur, eft­ir að liðið tryggði sér sæti í úr­slita­leik Evr­ópu­deild­ar­inn­ar í gær­kvöldi.

Totten­ham vann þá Bodö/​Glimt 2:0 í Nor­egi og ein­vígið sam­an­lagt 5:1. Í úr­slita­leikn­um í Bil­bao mæt­ir liðið Manchester United.

Bæði Totten­ham og Man. United eru í neðri hluta ensku úr­vals­deild­ar­inn­ar en sig­ur­veg­ari Evr­ópu­deild­ar­inn­ar fer í Meist­ara­deild Evr­ópu á næsta tíma­bili.

Postecoglou virt­ist nokkuð niðri fyr­ir á frétta­manna­fundi eft­ir sig­ur­leik­inn í gær og rifjaði upp um­mæli sín um að hann vinni alltaf titil á öðru tíma­bili sínu sem knatt­spyrn­u­stjóri.

Gæti ekki verið meira sama

Tölu­vert hef­ur verið gert grín að þeim um­mæl­um en nú er hann ein­um leik frá því að halda þeim at­hygl­is­verða ár­angri við.

„Þetta mun koma mörg­um í upp­nám ekki satt? Núna fer umræðan af stað. Það nýj­asta er að hvor­ugt liðið ætti að fá bik­ar ef við vinn­um.

Það verður bara tek­in liðsmynd því við erum ekki þess virði. Ég meina, hverj­um er ekki sama þó við eig­um erfitt upp­drátt­ar í deild­inni? Þessi keppni er aðskil­in og hef­ur ekk­ert með formið í deild­inni að gera.

Mér gæti ekki verið meira sama um hverj­ir eiga erfitt upp­drátt­ar og hverj­ir ekki. Ég tel bæði okk­ur og Manchester United hafa unnið okk­ur inn rétt­inn til að vera í úr­slit­um,“ sagði Postecoglou.

• Blogga um frétt