Töpuðu stigum á heimavelli

Na­poli varð að sætta sig við jafn­tefli á heima­velli, 2:2, gegn Genoa í ít­ölsku A-deild­inni í knatt­ps­yrnu í kvöld og er þar með aðeins einu stigi á und­an In­ter Mílanó í ein­víg­inu um meist­ara­titil­inn þegar tveim­ur um­ferðum er ólokið.

Na­poli var þrem­ur stig­um á und­an In­ter fyr­ir leik­ina í dag en er nú með 78 stig gegn 77 hjá In­ter.

Fyrr í dag vann In­ter sig­ur á Tor­ino á úti­velli, 2:0, þar sem Nicola Za­lewski og Kristjan Asll­ani skoruðu mörk­in.

Na­poli komst tvisvar yfir gegn Genoa í kvöld, með mörk­um frá Romelu Lukaku og Giacomo Raspa­dori en Scott McTom­inay lagði þau bæði upp.

Fyrra jöfn­un­ar­mark Genoa var sjálfs­mark og það síðara skoraði Joh­an Vazqu­ez á 84. mín­útu.

Í næst­síðustu um­ferðinni á Na­poli úti­leik gegn Parma og In­ter heima­leik gegn Lazio.

Í lokaum­ferðinni 25. maí á svo Na­poli heima­leik við Cagli­ari en In­ter mæt­ir Como á úti­velli.

• Blogga um frétt