Brynjólfur og félagar gerðu Ajax grikk

Brynj­ólf­ur Will­umsson og sam­herj­ar hans í Groningen settu stórt strik í meist­ara­von­ir Ajax í hol­lensku knatt­spyrn­unni í kvöld með því að jafna met­in í 2:2 á ní­undu mín­útu í upp­bót­ar­tíma í leik liðanna.

Þar með náði PSV Eind­ho­ven eins stigs for­ystu á Ajax fyr­ir lokaum­ferðina með því að vinna Herac­les, 4:1. PSV er með 76 stig og á eft­ir úti­leik gegn Spörtu í Rotter­dam en Ajax er með 75 stig og á eft­ir heima­leik gegn Twente.

Brynj­ólf­ur kom inn á sem varamaður hjá Groningen á 73. mín­útu en liðið var manni færri þegar jöfn­un­ar­markið kom því Luciano Valente hjá Groningen fékk rauða spjaldið eft­ir að upp­bót­ar­tím­inn hófst.

• Blogga um frétt