Hjörtur skoraði og sætið er tryggt

Hjört­ur Her­manns­son skoraði eitt marka Vo­los í kvöld þegar liðið vann Lamia, 3:0, í grísku úr­vals­deild­inni í knatt­spyrnu.

Hjört­ur kom liði sínu í 2:0 á 38. mín­útu og þriðja markið kom tveim­ur mín­út­um síðar.

Með sigr­in­um gull­tryggði Vo­los sér áfram­hald­andi sæti í deild­inni en liðið er komið níu stig­um frá fallsæti þegar tveim­ur um­ferðum er ólokið.

Hjört­ur kom til Vo­los frá Carr­arese á Ítal­íu í janú­ar. Hann hef­ur leikið alla leiki liðsins, ávallt í hjarta varn­ar­inn­ar, og þetta var hans annað mark fyr­ir fé­lagið.

• Blogga um frétt