Tveir gestgjafar töpuðu en sá þriðji vann

Tveir af gest­gjöf­um heims­meist­ara­móts karla í knatt­spyrnu 2026 töpuðu vináttu­lands­leikj­um á heima­velli í  kvöld en sá þriðji vann góðan sig­ur.

Mótið fer fram í Banda­ríkj­un­um, Mexí­kó og Kan­ada næsta sum­ar.

Kan­ada vann Úkraínu i kvöld, 4:2, í Toronto, eft­ir að hafa verið 3:0 yfir eft­ir hálf­tíma og 4:0 þar til á loka­mín­út­un­um.

Jon­ath­an Dav­id skoraði tvö fyrstu mörk­in og þeir Promise Dav­id og Tajon Buchan­an sitt markið hvor. Illia Za­barnyi og Oleks­andr Zinchen­ko björguðu mál­un­um aðeins með mörk­um fyr­ir Úkraínu í lok­in.

Banda­ríkja­menn tóku á móti Tyrkj­um í East Hart­ford og fengu óska­byrj­un þegar Jack McG­lynn kom þeim yfir á fyrstu mín­út­unni. En um miðjan fyrri hálfleik skoruðu Arda Güler og Kerem Aktür­koglu fyr­ir Tyrki sem unnu leik­inn 2:1.

Þá gerðu Sviss­lend­ing­ar góða ferð vest­ur um haf og sigruðu Mexí­kó 4:2 í Salt Lake City í Banda­ríkj­un­um. Breel Em­bolo, Mohamed Amdouni, Dan Ndoye og Fabi­an Rieder skoruðu fyr­ir Sviss en Santiago Gi­menez og Ang­el Sepul­verda fyr­ir Mexí­kó.

• Blogga um frétt