Íslandsmet Snæfríðar Sólar Jórunnardóttur í úrslitasundi 200 metra skriðsundsins á EM í Belgrad í dag tryggir henni væntanlega endanlega sæti á Ólympíuleikunum í París.
Snæfríður varð fjórða í sundinu á 1:57,85 mínútu, sem er nákvæmlega sami tími og opinberi boðstíminn fyrir leikana í París.
Snæfríður og Anton Sveinn McKee verða þá fulltrúar Íslands í sundkeppninni á Ólympíuleikunumn 2024 en langt er síðan Anton gulltryggði sér sæti á leikunum.