Franski fimleikamaðurinn Eric Poujade er látinn, 51 árs að aldri. Poujade vann til silfurverðlauna á bogahesti á Ólympíuleikunum í Sydney árið 2000.
Fimleikasamband Frakklands tilkynnti um fráfall Poujades í dag, þar sem fram kom að hann hafi látist um síðustu helgi. Dánarorsök var ekki gefin upp.
Poujade varð Evrópumeistari á bogahesti árið 1998 og vann einnig til gullverðlauna með landsliði Frakklands í áhaldafimleikum á sama móti.
Þá vann hann til silfurverðlauna á bogahesti á HM 1994 og 1997.