Skandall, fáránlegt, ólíðandi
Setja bókamerki
Skandall, fáránlegt, ólíðandi, ótrúlegt, hneisa. Þetta er lítill hluti þeirra orða sem bakvörður dagsins hefur séð í athugasemdakerfum samfélagsmiðla vegna kjörs míns og kollega minna í Samtökum íþróttafréttamanna á íþróttamanni ársins.
Glódís Perla Viggósdóttir, fyrirliði íslenska landsliðsins og þýska stórliðsins Bayern München, var kjörin íþróttamaður ársins 2024 með fullt hús stiga í upphafi árs. Það þýðir að allir 24 íþróttafréttamennirnir í Samtökum íþróttafréttamanna, sem fjalla um íþróttir allan ársins hring, voru með Glódísi í efsta sæti á sínum kjörseðli.
Sóley Margrét Jónsdóttir varð heims- og Evrópumeistari í kraftlyftingum og hafnaði í öðru sæti í kjörinu. Hún átti glæsilegt ár og hefði eflaust staðið uppi sem sigurvegari í kjörinu á öðru ári.
Að mínu mati er Glódís hins vegar fullkomlega verðskuldaður sigurvegari. Hún er besti leikmaður heims í sinni stöðu í vinsælustu íþrótt í heimi.
Það er erfitt að bera það saman við íþróttamenn sem keppa tvisvar á ári á stórmótum og gera það glæsilega. Að mínu mati var Glódís heilt yfir besti íslenski íþróttamaður ársins 2024. Það er allt í lagi að vera ósammála en það er ekki skandall, fáránlegt né hneisa.
Bakvörðurinn í heild sinni er í Morgunblaðinu í dag.
Hvarf úr sjónsviði í 2-3 sekúndur fyrir slysið
Kettlingur drapst af völdum skæðrar fuglaflensu
Missti heimilið í þriðja sinn í eldsvoða
Höldum lýðnum uppteknum
Ökumaðurinn ákærður fyrir manndráp af gáleysi
Myndskeið: „Engin leið“ að ná tökum á eldunum
„Oft hefur verið þörf en nú er nauðsyn“
Bændur enn rólegir á Mýrum