Missti fótinn og kominn í hjólastól

Fjarlægja þurfti hægri fótinn á hinum umdeilda LaVar Ball vegna meiðsla eða veikinda en LaVar er þekktur fyrir að vera faðir Lonzo, LiAngelo og LaMelo Ball. Lonzo og LaMelo leika báðir í NBA-deildinni í körfubolta.

TMZ Sports greinir frá því að hægri fótur körfuboltapabbans hafi verið fjarlægður en ekki er vitað um nákvæma ástæðu þess.

LaVar var áberandi í fjölmiðlum vestanhafs þegar hann ræddi opinskátt um að synir hans gætu orðið bestu körfuboltamenn heims. Þá var hann sannfærður um að hann gæti sjálfur unnið Michael Jordan í einn á einn í körfubolta.

Hann stofnaði síðan skófyrirtækið Big Ballers Brand og spila synir hans í skóm frá vörumerkinu.

LaMelo Ball er skærasta stjarna Charlotte Hornets í NBA-deildinni. AFP/Jacob Kupferman

• Blogga um frétt