Baldvin endaði níundi í sínum riðli

Baldvin Þór Magnússon kom níundi í mark í 3000 metra hlaupi í sínum riðli á Evr­ópu­mót­inu inn­an­húss í frjáls­um íþrótt­um sem fram fer í Ap­eldoorn í Hollandi.

Baldvin hljóp á 7:55,32 sekúndum sem er töluvert frá Íslandsmetinu sem hann setti á Norðurlandamótinu í Finnlandi í febrúar en þá hljóp hann á 7:39,94 sek­únd­um.

Baldvin leiddi hlaupið lengi vel en missti af lestinni undir lokin og fer ekki í úrslit. Norðmaðurinn Jakob Ingebrigtsen kom fyrstur í mark í riðlinum á 7:55,32 sekúndum.

• Blogga um frétt