Setti Íslandsmet á EM

Kristrún Ingunn Sveinsdóttir hefur lokið keppni á Evrópumeistaramótinu í klassískum kraftlyftingum á Málaga á Spáni, þar sem hún sló eigið Íslandsmet og hafnaði í áttunda sæti af 15 keppendum í sínum flokki.

Kristrún Ingunn, sem keppir í -52 kg flokki, fékk allar sínar lyftur gildar í hnébeygju þar sem hún lyfti mest 132,5 kg.

Í bekkpressu kláraði hún 72,5 kg í fyrstu lyftu en náði ekki að lyfta 77,5 kg í annarri og þriðju tilraun.

Í réttstöðulyftu gerði Kristrún Ingunn sér svo lítið fyrir og bætti sitt eigið Íslandsmet með 152,5 kg lyftu. Samanlagt lyfti hún því 357,5 kg sem skilaði henni að lokum áttunda sæti.

Kristrún Ingunn slær eigið Íslandsmet. Ljósmynd/Kraftlyftingasamband Íslands

• Blogga um frétt