Ótrúlega stolt af stelpunum

Fræk­inn 3:2-sig­ur vannst á Spáni eft­ir víta­keppni, en Spánn vann svo deild­ina og fer upp í 1. deild B. Einnig hafði Ísland bet­ur gegn Mexí­kó, Norður-Kór­eu og Taív­an.

„Til­finn­ing­in er geðveik. Ég er ótrú­lega stolt af öll­um stelp­un­um. Þetta var frá­bært mót,“ sagði Sunna Björg­vins­dótt­ir, lyk­ilmaður landsliðsins og at­vinnumaður hjá Södertälje í sænsku B-deild­inni, í sam­tali við Morg­un­blaðið.

Sunna, sem skoraði þrjú mörk og gaf tvær stoðsend­ing­ar í leikj­un­um fimm, sagði upp­lif­un sína af því að spila í 2. deild A vera góða.

„Við erum bún­ar að vera í þess­ari deild núna þrjú ár í röð. Í fyrra vor­um við í næst­síðasta sæti en núna kom­um við okk­ur á verðlaunap­all. Það munaði bara einu stigi að við mynd­um ná silfr­inu. Þetta er bara geggjað.“

Spánn verið erkióvin­ur­inn

Spurð hvaða sig­ur hafi staðið upp úr á mót­inu í Póllandi stóð ekki á svör­um hjá Sunnu:

„Örugg­lega á móti Spáni. Það hef­ur verið svona erkióvin­ur­inn, alla­vega síðan þær komu í þessa deild. Frá því við náðum að kom­ast upp í deild­ina sem við erum í núna höf­um við spilað mjög jafna leiki við þær og þegar við unn­um leik­inn gegn þeim leið mér eins og við hefðum unnið mótið,“ sagði hún.

Sunna nefndi einnig leik­inn gegn Póllandi, hörku­leik sem tapaðist að lok­um 2:0 eft­ir að heima­kon­ur skoruðu tví­veg­is seint í þriðju og síðustu lotu. „Það var líka góður leik­ur. Ég myndi segja að þess­ir tveir leik­ir standi upp úr.“

Hún ef­ast ekki um að kvenn­aís­hokkí sé á mik­illi upp­leið á Íslandi.

„Já, 100 pró­sent. Ég held að það sé mjög gott að það sé núna komið U18 ára landslið þannig að stelp­urn­ar fá að fara á svona stór­mót miklu fyrr. Þær fá meiri reynslu, meiri ís­tíma og fleiri leiki.

Þannig að þegar þær kom­ast upp í A-landsliðið vita þær al­veg hvað þær eru að koma sér út í. Þá vita þær hvað þetta er mik­il keyrsla í þess­ari viku og geta al­mennt verið bet­ur und­ir­bún­ar þegar þær koma inn í A-landsliðið,“ út­skýrði Sunna.

Viðtalið í heild sinni má sjá í Morg­un­blaði dags­ins.