Fékk tækifærið í þýsku A-deildinni

Á síðasta ári eignuðust Íslend­ing­ar sinn fyrsta full­trúa í er­lendri deild­ar­keppni í hjóla­stóla­borðtenn­is, Há­kon Atla Bjarka­son. Ný­lega fékk Há­kon tæki­færi til að spreyta sig meðal þeirra allra bestu í þýsku A-deild­inni.

Há­kon Atli er 33 ára gam­all Þórsari úr Þor­láks­höfn. Á 18. ald­ursári sofnaði hann und­ir stýri í Mos­fells­dal á leið til Reykja­vík­ur og velti bíln­um með þeim af­leiðing­um að hann hlaut var­an­leg­an mænuskaða.

Frétt af mbl.is

Reynsl­unni rík­ari eft­ir EM og held­ur til Þýska­lands

„Hjálpaði ekk­ert að liggja grát­andi heima“

mbl.is tók Há­kon Atla tali á dög­un­um og fyrst lá beint við að spyrja hvernig það hafi verið fyr­ir 17 ára pilt að standa frammi fyr­ir þeirri raun að geta ekki gengið aft­ur.

Há­kon seg­ir að auðvitað hafi það verið erfitt en hann hafi ein­sett sér það hug­ar­far á þeim tíma að ætla sér að gera gott úr þessu, annað væri í raun ekki hægt.

„Ég var fljót­ur að koma mér af stað en það hjálpaði mér ekk­ert að liggja grát­andi heima,“ seg­ir hann.

Há­kon Atli hóf að stunda borðtenn­is í kjall­ar­an­um á Grens­ás­deid Land­spít­al­ans sem sinn­ir end­ur­hæf­ingu. Hann náði fljótt tök­um á íþrótt­inni og hef­ur nú náð lengst allra Íslend­inga á alþjóðleg­um vett­vangi. Ljós­mynd/​Aðsend

Jó­hann var fyr­ir­mynd­in

Fórstu strax að spila borðtenn­is?

„Já, það var borðtenn­is­borð í kjall­ar­an­um á Grens­ás. Ég var þar í hálft ár og hafði ekk­ert alt of mikið að gera. Þá byrjaði ég að leika mér í borðtenn­is og fór að spila við afa. Við spiluðum alltaf á föstu­dög­um,“ seg­ir Há­kon, sem seg­ist svo hafa hitt Jó­hann Rún­ar Krist­jáns­son, ann­an borðtenniskappa sem bund­inn er við hjóla­stól.

Jó­hann er marg­fald­ur Íslands­meist­ari fatlaðra og tvö­fald­ur Íslands­meist­ari í 1. flokki, sem Há­kon seg­ir að eigi ekki að vera hægt í hjóla­stól. „Hann keppti m.a. á Ólymp­íu­leik­um fatlaðra í Aþenu og var svona fyr­ir­mynd­in mín á þess­um tíma.“

Há­kon hóf að æfa borðtenn­is 2009 og var að eig­in sögn nokkuð fljót­ur að ná tök­um á íþrótt­inni. „Ég var hepp­inn að Jói var er­lend­is þegar Íslands­mótið var haldið 2011 því mér tókst að vinna það, einu og hálfu ári eft­ir að ég byrjaði að æfa.“

Frétt af mbl.is

Há­kon þre­fald­ur Íslands­meist­ari í borðtenn­is

Jó­hann Rún­ar Kristjáns­son var fyr­ir­mynd Hákons Atla en hann keppti m.a. á Ólymp­íu­leik­um fatlaðra í Aþenu. mbl.is/​Golli

Sjö ára hlé

Árið 2012 hætti Jó­hann og þá seg­ir Há­kon að all­ir strák­arn­ir hafi hætt sem voru í kring­um hann á þeim tíma. Hann hafi þá tekið sér pásu og ein­göngu mætt til að leika sér. „Ég mætti á Íslands­mót­in en var ekk­ert að æfa af krafti.“

Árið 2019 byrjaði hann aft­ur að æfa og fór á sitt fyrsta alþjóðlega mót í mars það ár. „Svo ætlaði ég á næsta mót í mars 2020 en þá var búið að gera hlé vegna Covid.“

Há­kon Atli (nær) í leik gegn Lee York frá Englandi. Ljós­mynd/​Aðsend

Gat valið á milli þriggja liða

Eft­ir Covid var Há­kon far­inn að æfa meira og á hærra stigi. Var hann þá far­inn að keppa oft­ar er­lend­is og standa sig bet­ur í keppni.

„Þá fór ég að leita að mögu­leika á að kom­ast í þýsku deild­ina. Ég sendi fer­il­skrána mína á öll liðin í þýsku B-deild­inni ásamt upp­lýs­ing­um um mig og kannaði hvort þau hefðu áhuga á að fá mig.“

Þrjú lið sýndu Há­koni áhuga og gat hann valið á milli þeirra. Tischtenn­is Fricken­hausen í sam­nefndri borg í suður­hluta Þýska­lands varð fyr­ir val­inu.

Há­kon kveðst virki­lega ánægður með valið en hann leik­ur nú annað keppn­is­tíma­bilið með B-liði Fricken­hausen í B-deild­inni í Þýskalandi þar sem hann kepp­ir í fötl­un­ar­flokki 5.

„Ég hef fengið mik­inn stuðning frá þeim. Liðið var ný­komið upp úr 3. deild­inni þegar ég gekk til liðs við það en ég var feng­inn ásamt þýskri stelpu – landsliðsmanni – til að halda liðinu uppi. Það tókst en við höfnuðum í 4. sæti á síðasta keppn­is­tíma­bili.“

Há­kon ásamt hinni þýsku, Jönu Speg­el, liðsfé­laga sín­um í þýsku B-deild­inni. Ljós­mynd/​Aðsend

Fyrsta flokks um­gjörð

Há­kon valdi liðið ekki síður vegna þeirr­ar um­gj­arðar sem það get­ur veitt hon­um. „Í A-liðinu eru tveir virki­lega góðir leik­menn en liðið lofaði mér að ég gæti kom­ist út í æf­ing­ar með þeim. Það hef­ur allt sam­an gengið upp og ég er mjög ánægður með það.“

Einnig hef­ur hon­um gef­ist tæki­færi til að æfa með liðsfé­laga sín­um og þýska landsliðsþjálf­ar­an­um sem hann seg­ir frá­bært tæki­færi fyr­ir sig.

Há­kon átti gott fyrsta tíma­bil og var með átt­unda besta sig­ur­hlut­fallið af 20 leik­mönn­um deild­ar­inn­ar. Hann hef­ur staðið sig enn bet­ur á yf­ir­stand­andi keppn­is­tíma­bili og er með betri leik­mönn­um deild­ar­inn­ar í ár.

Há­kon og þýski landsliðsmaður­inn Thom­as Brüchle, sem leik­ur fyr­ir A-lið Fricken­hausen í þýsku A-deild­inni. Há­kon leik­ur sjálf­ur fyr­ir B-liðið í B-deild­inni. Ljós­mynd/​Aðsend

Þriðji maður

Varð það til þess að ný­lega fékk hann tæki­færi til að leika með A-liðinu í þýsku A-deild­inni. Hvernig kom það til?

„Ég var bú­inn að standa mig vel í deild­inni á þessu tíma­bili og er með betri leik­mönn­um deild­ar­inn­ar. Besti leikmaður­inn í A-liðinu var frá svo ég var feng­inn upp í A-liðið til að keppa með því í A-deild­inni.“

Seg­ist Há­kon hafa staðið sig vel og sé næst­ur inn ef ann­ar af þess­um tveim­ur dett­ur aft­ur út. „Þeir eru ansi góðir en ég er klár­lega þriðji maður hjá okk­ur,“ seg­ir Há­kon.

Sem Roelofs, hol­lensk­ur landsliðsmaður, sem Há­kon lék með í A-liði Fricken­hausen í þýsku A-deild­inni. Ljós­mynd/​Aðsend

Á von á að æfa aft­ur með Jó­hanni

Há­kon æfir mikið er­lend­is og seg­ist í raun vera í vand­ræðum með þjálf­un heima á Íslandi. „Ég æfi tvisvar í viku með landsliðsþjálf­ar­an­um og svo æfi á uppi í ÍFR einu sinni til tvisvar í viku. Ég hef verið að reyna að fá Jóa til að byrja að æfa með mér aft­ur og ég á von á því að hann geri það á næst­unni.“

Hann seg­ist hafa verið að æfa hjá HK í Kópa­vogi á móti stand­andi spil­ur­um en sé bú­inn að gef­ast upp á aðgeng­inu þar en til að kom­ast á æf­ing­ar þurfi að fara niður stiga ofan í kjall­ara í Snæ­lands­skóla.

Banda­ríski landsliðsmaður­inn Zach Pickett æfði með Há­koni hér á landi á dög­un­um. Ljós­mynd/​Aðsend

Í 100 daga er­lend­is á ár­inu 

Á ár­inu held­ur borðtenniskapp­inn utan í 14 keppn­ir, annað hvort alþjóðleg mót eða í deild­ar­keppn­ina í Þýskalandi auk ein­hverra æf­inga­ferða. Tel­ur hann nærri lagi að þegar upp verði staðið muni það telja um 100 daga er­lend­is á ár­inu.

„Ég var að keppa á opna finnska mót­inu í síðustu viku og fékk brons í tvennd­ar­leik. Þar keppti ég með þýskri stelpu sem var að keppa á sínu fyrsta móti,“ seg­ir Há­kon og bæt­ir því við að menn þurfi eig­in­lega alltaf að leita að meðspil­ara í tvíliðal­eik eða tvennd­ar­leik fyr­ir hvert mót svo þeir séu ekki ein­göngu að fara út til að spila 2-5 einliðal­eiki.

„Við spiluðum t.d. fjóra tvennd­ar­leiki í síðustu viku.“

Há­kon Atli á opna franska mót­inu ásamt Niko Somm­er frá Þýskalandi og Peter Is­herwood frá Kan­ada. Hann spilaði tvíliðal­eik með Is­herwood á mót­inu. Ljós­mynd/​Aðsend

Dreym­ir um Ólymp­íu­leika

Þó Há­kon sé kom­inn á fer­tugs­ald­ur seg­ir hann það ekki þykja háan ald­ur í hjóla­stóla­borðtenn­is og nefn­ir að menn sem séu marg­ir á fimm­tugs­aldri sem séu á topp 10 í heim­in­um.

Draum­ur hans, líkt og flestra af­reksíþrótta­manna, er að kom­ast á Ólymp­íu­leika. Hann seg­ir ekki hlaupið að því enda aðeins 12 sæti í boði í hans fötl­un­ar­flokki og keppa þurfi á alþjóðleg­um mót­um til að vinna sig upp á heimslista.

„Af þess­um 12 sæt­um eru fimm álfu­sæti og eitt svo­kallað „wild card-sæti“. Svo er eitt tvíliðal­eiks­sæti en ég er ekki með meðspil­ara því ég er eini Íslend­ing­ur­inn. Þá er eitt úr­töku-mót fyr­ir þá sem hafa ekki unnið sér inn sæti og eitt sæti í boði fyr­ir sig­ur­veg­ara þess.

Eft­ir standa þá fjög­ur sæti af heimslist­an­um. Besti Bret­inn, sem fékk silf­ur á síðasta EM og medal­íu á Ólymp­íu­leik­un­um í Tókýó komst ekki inn því hann var núm­er sex á heimslista.“

Há­kon ásamt Vova Chernyav­sky er þeir spiluðu sam­an í tvíliðal­eik á Íslands­móti Íþrótta­sam­bands fatlaðra. Ljós­mynd/​Aðsend

Ekki mögu­legt án styrkja

Eitt­hvað hlýt­ur þetta brölt á milli heims­horna að kosta?

„Þetta kost­ar mikla pen­inga. Íþrótta­sam­band fatlaðra styrk­ir mig og ég er með ákveðið „budget“ þaðan. Það kem­ur mér ansi langt en ekki al­veg alla leið. Þá hef­ur maður þurft að leita til fyr­ir­tækja. Það geng­ur mis­jafn­lega og það fer svo­lítið eft­ir því hvað maður nær að fá inn af styrkj­um ár­lega hvað maður þarf að taka mikið á sig sjálf­ur.”

Há­kon er mik­ill íþróttamaður og stund­ar ekki ein­göngu borðtenn­is. Á dög­un­um keppti hann t.d. á Íslands­móti fatlaðra í bekkpressu.

„Ég var eini kepp­and­inn í mín­um þyngd­ar­flokki en ég lyfti 92,5 kg og náði mín­um per­sónu­lega besta ár­angri. Ég var sér­stak­lega ánægður með það þar sem ég lenti eldsnemma morg­un­inn áður frá Finn­landi.“

Agn­ar Ingi Trausta­son og Há­kon Atli eig­ast við á Íslands­móti. Ljós­mynd/​Aðsend

Fricken­hausen verði með tvö lið í A-deild­inni

Hvaða verk­efni eru svo framund­an?

„Næsta alþjóðlega mót er í júní en þá fer ég á opna tékk­neska mótið. Ég fer þó út strax í næstu viku á fimmtu­degi og æfi á föstu­dag­inn með þýska landsliðinu og fer svo að keppa í deild­inni á laug­ar­deg­in­um.

Liðið er í þriðja sæti núna en við eig­um mögu­leika á öðru sæt­inu,“ seg­ir Há­kon en mark­miðið seg­ir hann vera að hjálpa liðinu að kom­ast upp um deid að ári og þá verði Fricken­hausen með tvö lið í þýsku A-deild­inni.

Há­kon spilaði með Björg­vin Inga Ólafs­syni á Íslands­mót­inu í fyrra. Ljós­mynd/​Aðsend

Hvet­ur alla til að prófa borðtenn­is

Há­kon seg­ir borðtenn­is af­skap­lega góða íþrótt fyr­ir alla hreyfi­hamlaða og henti fólki með all­ar skerðing­ar í öll­um ald­urs­flokk­um.

„Maður sér ótrú­leg­ustu skerðing­ar er­lend­is - menn sem eru með spaðann í munn­in­um og fólk með mesta háls­mænuskaða í lægstu flokk­un­um í hjóla­stól.

Ég er sjálf­ur að þjálfa hreyfi­hamlaðan hóp einu sinni í viku upp í ÍFR og hvet alla til að koma og kíkja á okk­ur. Þetta er mjög góð og skemmti­leg hreyf­ing sem hent­ar öll­um.“

• Blogga um frétt