Missti móður sína stuttu eftir að upplifa drauminn

Banda­ríkjamaður­inn Derrick Harmon missti móður sína nokkr­um klukku­stund­um eft­ir að hafa verið val­inn í NFL-nýliðaval­inu í ruðningi. 

Pitts­burgh Steelers valdi Harmon en hann var 21. í nýliðaval­inu og mun spila með liðinu á næstu leiktíð í NFL-deild­inni. Leikmaður­inn var í faðmi fjöl­skyld­unn­ar þegar nýliðavalið átti sér stað en það vantaði móður hans. 

Móðir hans, Tiff­any Saine, var á spít­ala en hún hafði verið veik lengi eft­ir að hafa fengið heila­blóðfall árið 2022 og var lömuð vinstra meg­in.

Harmon fór beint upp á spít­al­ann til að segja móður sinni frá frétt­un­um en hún lést stuttu síðar. 

• Blogga um frétt