„Versta frammistaða sem ég hef sýnt í úrslitaleik“

Hví­trúss­neska tenn­is­kon­an, Aryna Sa­ba­lenka, sagði að það hefði verið sárt að spila ekki bet­ur í tapi sínu gegn Coco Gauff í úr­slita­leik opna franska meist­ara­móts­ins í tenn­is í gær.

Coco Gauff vann nokkuð sann­fær­andi sig­ur, 6-7 (5-7), 6-2 og 6-4 og tryggði sér þannig sinn fyrsta risa­titil á leir.

Frétt af mbl.is

Gauff vann á leirn­um í fyrsta sinn

Þetta var ann­ar úr­slita­leik­ur­inn á ri­sa­móti í röð sem Sa­ba­lenka tap­ar en hún tapaði fyr­ir Madi­son Keys á opna ástr­alska meist­ara­mót­inu í janú­ar sl.

Sa­ba­lenka spilaði ekki vel í gær og sagði að þessi frammistaða væri henn­ar versta í úr­slita­leik á henn­ar ferli. Eft­ir tapið gegn Keys á opna ástr­alska grínaðist hún með að hún þyrfti mögu­lega að reka teymi sitt en í gær bað hún þau af­sök­un­ar á arfaslakri frammistöðu sinni.

„Í hrein­skilni var þetta versti tenn­is sem ég hef spilað í marga mánuði. Aðstæðurn­ar voru skelfi­leg­ar og hún var hrein­lega betri en ég í dag. Ég held að ég hafi verið van­stillt til­finn­inga­lega og ég höndlaði þetta ekki vel.“

Aryna Sa­ba­lenka sýn­ir pirr­ing sinn í leikn­um gegn Coco Gauff í gær. AFP/​Thi­baud Mo­ritz

„Ég held að hún hafi ekki unnið vegna þess að hún spilaði frá­bær­lega held­ur vegna þess að ég gerði ara­grúa af mis­tök­um,“ sagði Sa­ba­lenka en hún gerði 70 óþvinguð mis­tök sem er það mesta í ein­um leik á opna franska meist­ara­mót­inu í ár.

„Ég get ekki farið út á völl­inn í hvert skipti sem ég mæti Gauff í úr­slita­leik og spilað svona lé­leg­an tenn­is. Mér leið eins og það væri ein­hver að grín­ast í mér og það væri verið að sjá hversu mikið ég gæti höndlað áður en ég myndi brotna,“ sagði Sa­ba­lenka að lok­um.

• Blogga um frétt