Spænski kylfingurinn Jon Rahm hefur tilkynnt að hann neyðist til þess að draga sig úr keppni á Opna bandaríska meistaramótinu í golfi vegna sýkingar í fæti.
Rahm sat fyrir svörum á fréttamannafundi í morgun og kvaðst þá enn vera ansi þjakaður og ekki vita hvort hann gæti tekið þátt á mótinu, sem fer fram í Pinehurst í Norður-Karólínuríki og hefst á fimmtudag.
Í kvöld tilkynnti Spánverjinn það hins vegar á samfélagsmiðlum sínum að hann neyddist til að draga sig úr keppni.