Rory McIlroy í frábærum félagsskap

Með sigr­in­um á Masters í gær­kvöldi hef­ur Norður-Írinn Rory McIl­roy sigrað á öll­um fjór­um ri­sa­mót­un­um í golf­inu sem kölluð eru Grand Slam á ensku.

Er hann ein­ung­is fimmti kylf­ing­ur­inn sem unnið hef­ur ri­sa­mót­in fjög­ur sem nú eru í gangi í golf­inu hjá körl­un­um. Aðrir sem náð hafa slíku af­reki eru Gene Sarazen, Ben Hog­an, Gary Player, Jack Nicklaus, Tiger Woods og nú Rory McIl­roy. 

Skýr­ir þetta ef til vill til­finn­ing­arn­ar sem brut­ust út hjá McIl­roy þegar sig­ur­inn var í höfn á Augusta Nati­onal und­ir miðnætti. Hvort sem það var á 18. flöt­inni eða í verðlauna­af­hend­ing­unni og ræðuhöld­um. Nú hef­ur hann komið sér ræki­lega fyr­ir í sögu­bók­un­um. Hann er fyrsti Evr­ópu­bú­inn sem nær þessu af­reki í karla­flokki. Raun­ar eru ein­ung­is hann og Gary Player sem eru ekki banda­rísk­ir en Player er frá Suður-Afr­íku. 

Ein­stak­ir af­reks­menn

Hér þarf að nefna að Bobby Jo­nes er sá eini sem unnið hef­ur Grand Slam á einu ári og gerði það árið 1930. Hann vann öll stærstu mót­in sem hann mátti taka þátt í en Jo­nes gerðist aldrei at­vinnumaður. Vann The Open, Opna Banda­ríska, Breska áhuga­manna­mótið og Banda­ríska áhuga­manna­mótið.

Fyr­ir vikið er Jo­nes yf­ir­leitt tal­inn meðal bestu kylf­inga sög­unn­ar ásamt Hog­an, Nicklaus og Woods. Orðspor Bobby Jo­nes minnk­ar ekki við þá staðreynd að hann keypti land­ar­eign­ina þar sem Augusta Nati­onal völl­ur­inn stend­ur og lét hanna völl­inn fyr­ir sig. 

Fred Ridley, formaður Augusta Nati­onal ásamt Gary Player, ,Jack Nicklaus og Tom Wat­son. AFP/​ANDREW RED­INGT­ON

Tiger Woods sker sig auk þess úr vegna ár­ang­urs­ins um alda­mót­in. Árið 2000 vann hann Opna banda­ríska, The Open og PGA-meist­ara­mótið í þess­ari röð eins og skipu­lagið var þá. Í apríl árið 2001 vann hann Masters í annað sinn og var þá hand­hafi risa­titl­ana fjög­urra á sama tíma ef þannig má að orði kom­ast.

Því hef­ur eng­inn ann­ar náð jafn­vel þótt Jack Nicklaus hafi unnið fleiri ri­sa­mót en Tiger Woods á heild­ina litið. 

Tiger Woods hef­ur verið heiðraður af yf­ir­völd­um í Banda­ríkj­un­um fyr­ir ár­ang­ur sinn í íþrótt­inni vin­sælu. 5 AFP

Ljóst er að gíf­ur­lega erfitt er að vinna ri­sa­mót­in fjög­ur. Vell­irn­ir eru afar mis­jafn­ir fyr­ir það fyrsta. Sem dæmi henta gras­teg­und­ir kylf­ing­um mis­jafn­lega. Golf á bresk­um strand­völl­um krefst gíf­ur­legs leikskiln­ings rétt eins og glím­an við flat­irn­ar á Masters. Opna banda­ríska hef­ur reynst mik­il þolraun með þröng­um braut­um, hröðum flöt­um og mikl­um karga.

Mót­in eru ólík og því þarf mikla fjöl­hæfni til að skara fram úr í öll­um til­fell­um fyr­ir utan að sam­keppn­in er gíf­ur­leg í íþrótt þar sem heimsklassa menn koma úr mörg­um heims­álf­um. Sig­ur­veg­ar­ar í ri­sa­mót­un­um í golfi hafa komið frá Suður-Afr­íku, Zimba­bwe, Arg­entínu, Jap­an, Ástr­al­íu, Nýja-Sjálandi, Fíjí-eyj­um, Banda­ríkj­un­um, Kan­ada og mörg­um Evr­ópu­ríkj­um svo eitt­hvað sé nefnt. Sam­keppn­in er því mjög mik­il. Til sam­an­b­urðar má nefna að heims­meist­ar­ar karla í knatt­spyrnu hafa annað hvort komið frá Evr­ópu eða S-Am­er­íku.,

Eyðimerk­ur­ganga

Rory McIl­roy er 35 ára gam­all og fædd­ist í Holywood í County Down á Norður-Írlandi en held­ur til á Flórída eins og marg­ir kylf­ing­ar á PGA-mótaröðinni. 

McIl­roy vakti snemma at­hygli og á Masters árið 2011 virt­ist hann ætla að tryggja sér sig­ur með frá­bærri spila­mennsku. Reynslu­bolt­inn í íþrótta­lýs­ing­um Jim Nantz seg­ir gjarn­an að Masters hefj­ist þegar menn koma á seinni níu hol­urn­ar á sunnu­degi. Svo fór að árið 2011 kastaði McIl­roy frá sér sigri á Masters á síðari níu hol­un­um á loka­deg­in­um. 

Það sat þó ekki lengi í hon­um og hann rúllaði upp Opna banda­ríska um sum­arið. Eft­ir að hafa unnið The Open sum­arið 2014 var stór­um áfanga náð og þá hafði hann unnið fjór­um sinn­um á ri­sa­mót­un­um. Vantaði þá ein­ung­is sig­ur á Masters. 

Þá gerðist eittt­hvað sem ekki er auðvelt að út­skýra en síðan þá hafði McIl­roy ekki unnið ri­sa­mót þar til í gær. Ekki er þar með sagt að McIl­roy hafi spilað illa ár eft­ir ár. Oft hef­ur hann unnið úr­slita­keppn­irn­ar á PGA- og Evr­ópu­mótaröðinni fyr­ir, utan að sýna styrk sinn í Ryder-bik­arn­um. 

Auðvelt?

Að landa sigri á öll­um ri­sa­mót­un­um er eng­inn hægðarleik­ur eins og sést á upp­taln­ing­unni. Til að setja hlut­ina í sam­hengi er ekki úr vegi að minna af­reks­menn í íþrótt­inni sem oft hafa unnið ri­sa­mót án þess að ná slemm­unni. Arnold Pal­mer, Tom Wat­son, Seve Bal­lesteros, Ber­h­ard Lan­ger, Nick Faldo, Ernie Els, Phil Mickel­son, Jor­d­an Spieth, Brooks Koepka og Bry­son DeCham­beau til að nefna ein­hverja. 

Af þeim sem eru að spila í dag þá vant­ar Jor­d­an Spieth sig­ur á PGA-meist­ara­mót­inu til að ná slemm­unni og Mickel­son vant­ar Opna banda­ríska. Eins og oft hef­ur komið fram hef­ur Mickel­son hafnað sex sinn­um í 2. sæti á því til­tekna móti. Segja má að Mickel­son sé í sér­flokki þeirra sem ekki náðu slemm­unni ásamt goðsögn­inni Arnold Pal­mer sem sigraði sjö sinn­um á ri­sa­mót­um en vantaði PGA-meist­ara­mótið. Hafnaði hann þríveg­is í 2. sæti á því móti. 

Rickie Fowler hef­ur verið á meðal þrem­ur efstu á öll­um ri­sa­mót­un­um án þess þó að landa sigri. AFP/​MIKE MUL­HOL­LAND

Í þessu sam­hengi þar sem ri­sa­mót­in eru til um­fjöll­un­ar má nefna að sam­keppn­in er svo hörð að heimsklassa kylf­ing­ar ná aldrei að vinna ri­sa­mót enda eru þau aðeins í boði einu sinni á ári.

Í hópi þeirra sem hafa verið í fremstu röð án þess að vinna ri­sa­mót eru kylf­ing­ar á borð við Col­in Mont­gomerie, Scott Hoch, Lee Westwood, Rickie Fowler, Thom­as Björn, Steve Stricker, Luke Don­ald og Migu­el Ang­el Ji­menez fyr­ir utan yngri menn sem eru í fullu fjöri. ,

• Blogga um frétt