Tapaði í fyrstu lotu en staðan er jöfn
Setja bókamerki
Gunnlaugur Árni Sveinsson hóf í dag keppni í Arnold Palmer Cup í Suður-Karólínu, fyrstur íslenskra kylfinga, en það er sterkasta áhugamannamót heims.
Hann er í liði alþjóðlegra kylfinga úr bandaríska háskólagolfinu sem mætir liði Bandaríkjanna.
Gunnlaugur lék í dag „betri bolta“ með Meju Örtengren frá Svíþjóð og þau biðu lægri hlut í sínum leik, 3/2, gegn Catherine Park og Jack Turner en það þýðir að þau síðarnefndu voru þremur yfir þegar tveimur holum var ólokið og sigur þeirra því í höfn.
Staðan í keppninni er 4:4 en fjórum viðureignum er ólokið.
Á morgun eru síðan leiknar 36 holur og báðir hringirnir í fjórmenningi þar sem kylfingar leika einum bolta og skiptast á að slá.
Gunnlaugur mun spila með karlkylfingi á fyrri hringnum og með kvenkylfingi á seinni hringnum.
Á lokadeginum á laugardaginn er síðan leikinn tvímenningur.
Nýr skóli á Bíldudal fyrir árslok
Meintur árásarmaður úrskurðaður í gæsluvarðhald
Árásin mikið áhyggjuefni
Ísland slegist um efsta sæti í verðlagi í áraraðir
Framhaldið veltur á viðbrögðum Írana
Bandaríkjunum verði svarað fyrir árásirnar
Gular viðvaranir taka gildi uppúr hádegi