Gunnlaugur í sigurliði á Arnold Palmer Cup
Setja bókamerki
Kylfingurinn Gunnlaugur Árni Sigurðsson var partur af alþjóðlega liðinu á Arnold Palmer Cup, sem er sterkasta áhugamannamót heims í golfi. Mótið var spilað á Congaree Golf Club vellinum í Suður-Karólínu í Bandaríkjunum og vann alþjóðlega liðið nokkuð sannfærandi sigur, 35-25.
Í fyrsta leik Gunnlaugs var hann í liði með Meju Ortengren og töpuðu þau 3&2 í betri bolta gegn Catherine Park og Jack Turner. Í annarri umferð var spilaður fjórmenningur og þá unnu Gunnlaugur og Michael Mjaaseth frábæran sigur á Jackson Koivun og Carson Bacha, 2&1.
Í þriðja leik Gunnlaugs var spilaður blandaður fjórmenningur og aftur var okkar maður í sigurliði. Þá lék hann með Mariu Jose Marin gegn Adam Duncan og Kiara Todd og unnu þau sannfærandi sigur, 3&1.
Í fjórða og síðasta leiknum spilaði Gunnlaugur aftur gegn Carson Bacha en nú í tvímenningi og að þessu sinni náði Carson Bacha fram hefndum frá annarri umferðinni og vann Gunnlaug, 2&1.
Árangurinn hjá Gunnlaugi frábær en hann endaði með tvo sigra og tvö töp í þessu sterka móti og lagði sitt á lóðarskálarnar til að tryggja alþjóðlega liðinu sannfærandi tíu stiga sigur, 35:25.
Samfélagið í dvala vegna NATO-fundar
Sundhnúkar kannski að verða bensínlausir
Ferðamenn verið þægir í einhvern tíma
Páll stefnir RÚV út af byrlunarmálinu
Vonast til að geta bjargað einhverju úr brunanum
Fleiri hús frá víkingaöld á Íslandi
„Þetta eru alvarlegar ásakanir“