The Open hefst í dag - McIlroy á heimavelli

The Open Champ­i­ons­hip, eitt elsta íþrótta­mót heims­ins, hefst í dag á Royal Portrush golf­vell­in­um á Norður-Írlandi. 

Mótið er fjórða og síðasta ri­sa­mótið hjá körl­un­um á ár­inu. Þar sem mótið er á N-Írlandi í þetta skiptið þýðir að Rory McIl­roy er á heima­velli. McIl­roy vann Masters í apríl og náði þar með að full­komna slemm­una. Með öðrum orðum hef­ur hann unnið öll fjög­ur ri­sa­mót­in á ferl­in­um. 

Banda­ríkjamaður­inn Scottie Scheffler sigraði á PGA-meist­ara­mót­inu og hef­ur verið í efsta sæti heimslist­ans um langa hríð. Besti ár­ang­ur Scheffler á The Open er 7. sæti og var það í fyrra en hann hef­ur ef­laust hug á að bæta þann ár­ang­ur að þessu sinni. 

JJ Spaun kom á óvart og sigraði á Opna banda­ríska meist­ara­mót­inu í síðasta mánuði. 

Sam­keppn­in er svo mik­il í íþrótt­inni að það get­ur ein­mitt gerst á ri­sa­mót­un­um að lítt þekkt­ir kylf­ing­ar fyr­ir hinum al­menna áhuga­manni eru nógu góðir til að vinna ri­sa­mót ef þeir eru í stuði þá vik­una. 

Scottie Scheffler hef­ur unnið tvö af ri­sa­mót­un­um fjór­um en ekki The Open. AFP

Xand­er Schauf­fele sigraði á mót­inu í fyrra og er bú­inn að skila silf­ur­könn­unni sem keppt er um. Reynd­ar er einnig lagt nokkuð inn á banka­bók­ina hjá sig­ur­veg­ar­an­um. Um 400-500 millj­ón­ir eða svo. 

Mótið fór einnig fram á Royal Portrush árið 2019 og þá sigraði Írinn Shane Lowry. Rory McIl­roy dró upp­hafs­höggið á 1. holu út fyr­ir vall­ar­mörk og náði sér aldrei á strik á fyrsta degi. Á öðrum keppn­is­degi lék hann vel en það reynd­ist ekki nóg til að kom­ast í gegn­um niður­skurðinn. McIl­roy ætti hins veg­ar að vera á betri stað á ferl­in­um í þetta skiptið held­ur en 2019. 

• Blogga um frétt