The Open: Scheffler í fínum málum

Scottie Scheffler, efsti kylf­ing­ur heimslist­ans í golfi, fór vel af stað á fyrsta keppn­is­degi The Open Champ­i­ons­hip á Norður-Írlandi í dag og er aðeins höggi á eft­ir efstu mönn­um sem stend­ur. 

Frétt af mbl.is

The Open hefst í dag - McIl­roy á heima­velli

Scheffler lék á 68 högg­um sem er þrjú högg und­ir pari Royal Portrush vall­ar­ins. Hann hitti ekki alltaf braut­ir af teig en leysti það vel eins og hans er von og vísa. Scheffler hef­ur aldrei sigrað á The Open en hef­ur unnið bæði Masters og PGA-meist­ara­mótið. 

Baskinn öfl­ugi Jon Rahm er einnig í ágætri stöðu en hann lék á 70 högg­um og er því und­ir pari. Aðstæður voru krefj­andi á fyrri 9 hol­un­um hjá þeim sem fóru út í morg­un og Rahm og Scheffler eru ef­laust nokkuð sátt­ir. 

Þrír kylf­ing­ar hafa skilað inn skori á fjór­um und­ir pari. Í þeim hópi er Eng­lend­ing­ur­inn Matt Fitzp­at­rick en einnig Dan­inn Jacob Oles­en og Kín­verj­inn Haot­ong Li. Eins og íþrótta­áhuga­menn þekkja hrekk­ur skammt að spila vel á fyrsta degi enda eru leikn­ar 72 hol­ur á ri­sa­mót­un­um. Þeir allra bestu vilja fyrst og fremst halda sér í námunda við besta skorið á fyrsta keppn­is­degi. Fitzp­at­rick er sá eini þess­ara þriggja sem sigrað hef­ur á ri­sa­móti en hann vann Opna banda­ríska meist­ara­mótið 2022. 

Lee gamli Westwood vann sér inn keppn­is­rétt í gegn­um úr­töku­mót og nýtti tæki­færið vel. Hann var á tveim­ur und­ir pari en hann lék vel þegar mótið fór fram á Royal Portrush árið 2019. Þá sigraði Írinn Shane Lowry við mik­inn fögnuð heima­manna og Lowry lék á höggi und­ir pari eins og Rahm í dag. 

Lee Westwood þakk­ar stuðning­inn í rign­ing­unni í morg­un. Hann er í hópi bestu kylf­inga sög­unn­ar sem ekki hafa sigrað á ri­sa­móti. Hef­ur hafnað þríveg­is í öðru sæti á þeim mót­um og sex sinn­um í þriðja sæti. AFP

Sig­ur­veg­ar­inn á mót­inu í fyrra og ólymp­íu­meist­ar­inn, Xand­er Schauf­fele, sýndi bar­áttuþrek í dag. Skilaði inn skori á par­inu eft­ir að hafa þurft að bjarga pör­um á flest­um hol­um á hringn­um. 

Þekkt­ir kylf­ing­ar á borð við Rory McIl­roy, Bry­son DeCham­beau, Tyr­rell Hatt­on, Victor Hov­land, Just­in Rose, Just­in Thom­as, Tommy Fleetwood, Ludvid Aberg og fleiri eru ný­lega farn­ir af stað á fyrsta keppn­is­degi. 

• Blogga um frétt