Fyrsta íslenska konan til þess að stýra karlaliði?
Setja bókamerki
„Ég er eiginlega búin að ákveða það að kúpla mig alveg út, í að minnsta kosti eitt tímabil,“ sagði handknattleikskonan Anna Úrsúla Guðmundsdóttir í Dagmálum.
Anna, sem er 39 ára gömul, varð Íslandsmeistari í áttunda sinn á ferlinum með Val á dögunum þegar liðið hafði betur gegn Haukum í úrslitum Íslandsmótsins, 3:0.
Hefur áhuga á þjálfun
Anna hefur nokkrum sinnum lagt skóna á hilluna, en alltaf tekið þá fram aftur, en hún reiknar fastlega með því að skórnir séu komnir endanlega upp á hillu.
„Ég er með eina stelpu sem er þriggja að verða fjögurra ára og mig langar aðeins að gefa börnunum mínum mig núna, áður en ég stíg mögulega inn í einhverja þjálfun,“ sagði Anna.
„Ég sé alveg fyrir mér að þjálfa og ég er alltaf að gæla við það að verða fyrsti kvenþjálfarinn í karlaboltanum,“ sagði Anna meðal annars.
Landsréttur um Heiðar: „Á sér engar málsbætur“
Bæjaryfirvöld ekki staðið við samkomulag
Nýtt húsnæði sprungið eftir árs starfsemi
Mikill viðbúnaður þegar tveimur var bjargað úr sjó
Sagðist ætla að fara frá Dagbjörtu
„Áverkar til að valda sársauka“