Viktor Gísli Hallgrímsson, landsliðsmarkvörður í handknattleik, var kynntur til leiks hjá Wisla Plock með vægast sagt áhugaverðu myndskeiði.
Viktor Gísli skrifar undir eins árs samning hjá pólska félaginu en hann kemur þangað frá Nantes í Frakklandi.
Wisla Plock er ríkjandi pólskur meistari.
Mikil spenna er fyrir Viktori Gísla hjá pólska félaginu en hann var kynntur til leiks í dag.
Aðferðin var áhugaverð en hann var kynntur með mannræningjamyndskeiði. Sjón er sögu ríkari og má sjá myndskeiðið hér fyrir neðan.