Sporting frá Portúgal hafði betur gegn þýska liðinu Füchse Berlín, 35:33, á heimavelli í Meistaradeild Evrópu í handbolta í kvöld.
Orri Freyr Þorkelsson átti mjög góðan leik fyrir Sporting og skoraði átta mörk. Sporting er í toppsæti A-riðils með níu stig eftir fimm leiki.
Haukur Þrastarson skoraði fimm mörk fyrir Dinamo Búkarest frá Rúmeníu í þriggja marka tapi gegn franska stórliðinu París SG á útivelli 35:32. Dinamo er í fimmta sæti með sex stig.
Viktor Gísli Hallgrímsson var nær allan tímann á bekknum er pólska liðið Wisla Plock sigraði Pelister frá Norður-Makedóníu á heimavelli, 26:18. Wisla er í sjötta sæti af átta liðum með tvö stig.