Íþróttir | Handbolti | mbl | 19.11.2024 | 19:21

Lærisveinar Guðjóns of sterkir fyrir FH

Ásbjörn Friðriksson og Elliði Snær Viðarsson í fyrri leik liðanna í Kaplakrika. mbl.is/Árni Sæberg

Lærisveinar Guðjóns Vals Sigurðssonar í Gummersbach unnu öruggan sigur gegn FH, 32:24, í H-riðli Evrópudeildar karla í handknattleik í Gummersbach í Þýskalandi í kvöld.

Gummersbach er á toppi riðilsins með átta stig en FH er á botninum með tvö stig.

Mikið jafnræði var með liðunum í upphafi leiks og var staðan 5:5 þegar 10 mínútur voru liðnar af leiknum. Þá kom góður kafli hjá FH-ingum sem skoruðu þrjú mörk í röð og breyttu stöðunni í 8:5.

Gummersbach tók öll völd á leiknum í kjölfarið og skoraði 10 mörk í röð og var staðan því 15:8 þegar lítið var eftir af fyrri hálfleik. FH náði þó aðeins að laga stöðuna fyrir lok fyrri hálfleiks. Staðan í hálfleik var 16:10, Gummersbach í vil.

Jafnræði var með liðunum í seinni hálfleik. FH spilaði fínan seinni hálfleik en tókst ekki að saxa á forskot Gummersbach. Undir lok leiks náði Gummersbach að auka forskot sitt í átta mörk. Lokaniðurstöður, 32:24-sigur Gummersbach.

Jóhannes Berg Andrason var markahæstur í liði FH með sex mörk. Ásbjörn Friðriksson gerði fjögur mörk fyrir FH. Daníel Freyr Andrésson varði 11 skot eða var með 25,6% markvörslu.

Í liði Gummersbach var Lukas Blohme markahæstur með átta mörk. Kristjan Horzen skoraði fimm mörk fyrir FH. Bertram Obling varði 11 skot eða var með 52,4% markvörslu.

Lýsing uppfærist sjálfkrafa

Allar lýsingar í beinni

Aðrir virkir leikir

Valur	34:34	Vardar	Skoða leik
60. mín. Úlfar Páll Monsi Þórðarson (Valur) skorar úr víti
Augnablik — sæki gögn...

Wales	4:1	Ísland	Skoða leik
90. mín. Leik lokið Leik lokið með öruggum sigri Wales, 4:1. Íslenska liðið átti mjög góða spretti í fyrri hálfleik og fékk svo sannarlega færin til þess að skora en færanýtingin reyndist dýr og velska liðið refsaði grimmilega fyrir oft og tíðum barnalegan varnarleik íslenska liðsins.
Augnablik — sæki gögn...