Eyjamenn höfðu betur gegn Val

ÍBV hafði betur gegn Val, 34:28, í úrvalsdeild karla í handbolta í Vestmannaeyjum í dag.

Úrslitin þýða að ÍBV situr í sjötta sæti deildarinnar með 13 stig en Valur er í þriðja sæti með 16 stig.

Eyjamenn byrjuðu viðureignina betur og komust tvisvar fjórum mörkum yfir í fyrri hálfleik, 12:8 og 16:12. Valur endaði fyrri hálfleikinn og náði að minnka forystuna í eitt mark þegar flautað var til hálfleiks, 18:17.

ÍBV var sterkari aðilinn í síðari hálfleik og vann að lokum öruggan sex marka sigur, 34:28.

Úlfar Páll Monsi Þórðarson átti stórleik fyrir Val og skoraði 16 mörk.

Í liði ÍBV var Gauti Gunnarsson markahæstur með átta mörk. Daniel Esteves Vieira skoraði sjö mörk fyrir Eyjamenn.

Petar Jokanovic varði 10 skot í marki ÍBV eða var með 30,3% markvörslu. Björgvin Páll Gústavsson varði sjö skot í marki Vals eða var með 21,9% markvörslu.

• Blogga um frétt