Gamla ljósmyndin: Línusending
Setja bókamerki
/frimg/1/56/59/1565905.jpg)
Íþróttadeild Morgunblaðsins og mbl.is heldur áfram að gramsa í myndasafni Morgunblaðsins og birta á mbl.is á laugardögum.
Þegar Íslendingar og Danir undirbjuggu sig fyrir lokakeppni HM karla í handknattleik árið 1993 komu Danir hingað til lands og léku þrjá vináttulandsleiki í lok febrúar 1993. Ísland vann báða leikina sem spilaðir voru í Laugardalshöllinni en Danir unnu leikinn sem fram fór í KA-heimilinu á Akureyri.
Í fyrsta leiknum lék örvhenta skyttan Sigurður Sveinsson A-landsleik númer 200 og var í fínu formi en hann skoraði alls 18 mörk í leikjunum þremur.
Í þriðja vináttuleik liðanna í Laugardalshöllinni náði Bjarni Eiríksson, ljósmyndari Morgunblaðsins, þessari frábæru mynd en Sigurður virðist einfaldlega vera að gefa sendingu á Bjarna ef marka má myndina. Myndatakan sýnir vel hversu miklu máli staðsetningar skipta fyrir þá sem mynda keppnir í íþróttum.
Þessir taktar Sigurðar eru mjög kunnuglegir fyrir handboltaunnendur. Hann horfir upp í stúku og laumar boltanum inn á línuna en á ensku er þetta kallað „no look pass“ sem kunnugt er.
Í þessu tilfelli hefur Geir Sveinsson væntanlega gripið boltann en samvinna þeirra var rómuð í landsleikjum á fyrri hluta tíunda áratugarins. Daninn Frank Jörgensen nær ekki að koma í veg fyrir línusendinguna en hann var einn helsti varnarmaður Dana á þessum árum.
Liðin áttu eftir að mætast í milliriðli á HM í Svíþjóð 1993 og hafði Ísland betur 27:22. Nikolaj Jacobsen, núverandi landsliðsþjálfari Dana, var þá í vinstra horninu en stóð í skugga Bjarka Sigurðssonar í leiknum.
Sem stendur standa Danir okkur framar í íþróttinni en HM karla er nú í fullum gangi og leika Íslendingar í Zagreb í Króatíu.
Hvetur fólk til að njóta veðursins á meðan er
Ráðherra og fjármálaráðgjöfin sem ekki var
Engin merki um aflögun eftir skjálftahrinu
Samrunar sem gætu orðið stórskaðlegir neytendum
„Hefði svo sannarlega viljað sjá kröftugra skref stigið“
Seðlabankinn sendi rétt skilaboð