Kennir sjálfum sér um meiðsli Gísla

Bennet Wiegert, þjálfari þýska handboltaliðsins Magdeburg, kennir sjálfum sér um að Gísli Þorgeir Kristjánsson hafi farið meiddur af velli er liðið mætti Aalborg frá Danmörku í Meistaradeild Evrópu í gærkvöldi.

Gísli byrjaði leikinn en fór kvalinn af velli eftir örfáar mínútur. Gísli var tæpur fyrir leikinn en Wiegert ákvað að láta reyna á það hjá íslenska leikstjórnandanum.

„Hann var tæpur fyrir leikinn og æfði ekki í vikunni. Við reyndum að tjasla honum saman en hann var greinilega ekki klár. Þetta angar mig en það þarf að taka svona ákvarðanir í íþróttum stundum. Ég ber ábyrgð,“ sagði hann við Bild eftir leik.

Gísli er ekki eini Íslendingurinn í Magdeburg sem er að glíma við meiðsli. Ómar Ingi Magnússon missti af HM í byrjun árs og hefur ekkert spilað á árinu.

Frétt af mbl.is

Gísli fór meiddur af velli

• Blogga um frétt