Hættur með landsliðinu eftir fimm stóra titla

Handknattleiksmaðurinn reyndi Luka Karabatic hefur tilkynnt að hann sé hættur að leika með franska landsliðinu.

Karabatic er 36 ára línumaður, litli bróðir Nikola Karabatic sem lagði skóna á hilluna á síðasta ári, fertugur að aldri.

Luka á að baki 171 landsleik fyrir Frakkland og hefur tvisvar orðið heimsmeistari, tvisvar Evrópumeistari og einu sinni Ólympíumeistari með liðinu.

Hann hefur leikið allan sinn feril í Frakklandi og með París SG frá árinu 2015 en þar hefur hann orðið franskur meistari undanfarin níu ár.

• Blogga um frétt