Fyrsti bikartitill Hauka í 18 ár
Setja bókamerki
Haukar eru bikarmeistarar kvenna í handbolta árið 2025 eftir sigur á Fram, 25:20, á heimavelli sínum á Ásvöllum í dag. Sigurinn var sá fyrsti frá árinu 2007 hjá Haukum og sá fimmti alls.
Fyrri hálfleikur var vægast sagt kaflaskiptur. Haukar byrjuðu mun betur og komust í 5:0. Fram svaraði með fimm mörkum og var staðan 5:5 þegar fyrri hálfleikur var rúmlega hálfnaður.
Þá kom þriðji 5:0-kaflinn í fyrri hálfleiknum og var staðan 10:5, Haukum í vil, þegar fimm mínútur voru til leikhlés. Munaði fimm mörkum þegar flautað var til hálfleiks, 11:6.
Fram skoraði tvö fyrstu mörkin í seinni hálfleik og minnkaði muninn í 11:8. Það gekk hins vegar illa að saxa meira á forskotið og voru Haukar með undirtökin áfram.
Var munurinn kominn aftur upp í fimm mörk, 19:14, þegar seinni hálfleikur var hálfnaður. Hann varð svo sex mörk, 21:15, í fyrsta skipti þegar tíu mínútur voru til leiksloka. Voru Framkonur ekki líklegar til að jafna eftir það og Haukar fögnuðu vel og innilega í leikslok.
| Fram | 20:25 | Haukar |
|
|---|---|---|---|
| Góðan dag og verið velkomin með mbl.is í beina textalýsingu frá bikarúrslitaleik Fram og Hauka. | |||
Undirrituðu 400 milljarða lán til vopnaframleiðslu
Kallar gamla félaga heim
Guðrún er nýr formaður Sjálfstæðisflokksins
Sjór, grjót og þari á veginum: Gæti komið til lokana
Tónmennt á daginn, pönk á kvöldin
Holtavörðuheiði lokað
„Nú skrifum við næsta kafla og stækkum Sjálfstæðisflokkinn“