Haukar úr leik eftir skell í Bosníu
Setja bókamerki
Haukar eru úr leik í Evrópubikar karla í handbolta eftir skell gegn Izvidac frá Bosníu í seinni leik liðanna í átta liða úrslitum í kvöld, 33:26.
Haukamenn unnu fyrri leikinn með þremur mörkum en það dugði skammt, þar sem Izvidac vann einvígið 60:56 samanlagt.
Liðin skiptust á að skora fyrstu sex mörk leiksins en eftir það náðu heimamenn undirtökunum og komust í 6:3 og í kjölfarið í 10:5. Var munurinn fimm mörk í hálfleik, 13:8.
Heimamenn voru mun sterkari framan af í seinni og var staðan orðin 21:12 þegar seinni hálfleikur var tæplega hálfnaður. Voru Haukar aldrei líklegir til að koma sér almennilega inn í einvígið á nýjan leik eftir það.
Össur Haraldsson skoraði sex mörk fyrir Hauka, þar af tvö úr vítum. Hergeir Grímsson gerði fimm og Skarphéðinn Ívar Einarsson fjögur. Aron Rafn Eðvarðsson varði 13 mörk í marki Hauka.
| Izvidac | 33:26 | Haukar |
|
|---|---|---|---|
| Aron Rafn Eðvarðsson (Haukar) varði skot | |||
Le Pen dæmd: Meinað að bjóða sig fram í fimm ár
Svona gengur ríkinu að bregðast við ofbeldi barna
Segir Ingu vega að starfsheiðri sínum
Verið að rýma Grindavík
Búið að rýma Bláa lónið
Telur langt gengið með frumvarpi um gæludýr
Trump líkir sakfellingu Le Pen við eigin lagadeilur
