Gerum okkur grein fyrir hver fórnarlömbin eru

Íslenska kvenna­landsliðið í hand­bolta tryggði sér sæti á loka­móti HM í gær­kvöldi er liðið sigraði Ísra­el með sann­fær­andi hætti öðru sinni á jafn­mörg­um kvöld­um í Ásvöll­um.

Á meðan á leik stóð mátti heyra mót­mæl­end­ur fyr­ir utan Ásvelli, þar sem and­stæðing­ur­inn var Ísra­el. Íslenska liðið lét mót­mæl­in ekki á sig fá og sýndi fag­mann­lega frammistöðu.

„Við heyrðum aðeins en við reynd­um að ein­beita okk­ur að verk­efn­inu sem var inni á vell­in­um. Það var krefj­andi. Við ger­um okk­ur samt grein fyr­ir því hver eru fórn­ar­lömb­in í þess­um aðstæðum. Ég vil ekki kvarta of mikið.

Maður skil­ur reiðina og maður skil­ur að hún verði að bein­ast eitt­hvert. Ein­hverj­ir vilja beina henni að okk­ur. Við vit­um hvar þessi gagn­rýni á heima. Við erum mjög glaðar að þetta sé búið,“ sagði Stein­unn Björns­dótt­ir fyr­irliði við mbl.is en hún lék sinn síðasta lands­leik í gær­kvöldi.

• 1 blogg um frétt­ina

Bloggað um frétt­ina

• Guðmund­ur Örn Ragn­ars­son: Ísra­el er fórn­ar­lambið