Stórleikur Andra í Mannheim

Andri Már Rún­ars­son, landsliðsmaður­inn ungi í hand­knatt­leik, átti stór­leik með Leipzig í  dag þegar liðið sótti Rhein-Neckar Löwen heim til Mann­heim í þýsku 1. deild­inni.

Andri skoraði níu mörk og átti þrjár stoðsend­ing­ar og var marka- og stoðsend­inga­hæst­ur í liði Leipzig, und­ir stjórn föður hans, Rún­ars Sig­tryggs­son­ar, en mátti sætta sig við naumt tap, 35:34, þar sem liðinu mistókst að skora úr síðustu sókn leiks­ins.

Leipzig er í fjór­tánda sæti af átján liðum með 17 stig en í lít­illi fall­hættu því það er sjö stig­um fyr­ir ofan fallsæti deild­ar­inn­ar.

• Blogga um frétt