Vorum með bakið upp við vegg

Ein­ar Örn Sindra­son átti flott­an leik fyr­ir FH er liðið valtaði yfir Fram, 36:20, í þriðja leik liðanna í undanúr­slit­um Íslands­móts­ins í hand­bolta í Kaplakrika í kvöld. Staðan í ein­víg­inu er nú 2:1, Fram í vil.

Frétt af mbl.is

FH valtaði yfir Fram og hélt sér á lífi

„Það var meiri bar­átta í okk­ur núna. Við vor­um með bakið upp við vegg og við þurft­um að sækja sig­ur. Það tókst og ég er mjög ánægður,“ sagði Ein­ar en FH hefði farið í sum­ar­frí með tapi í kvöld.

„Við byrjuðum þetta mjög sterkt og maður fann að það voru all­ir klár­ir. Við spiluðum flott­an hand­bolta á móti góðu liði. Þegar þú nærð svona góðum takti þá verður þú að halda áfram og við gerðum það.

Stemn­ing­in í Kaplakrika var svaka­leg. Ljós­mynd/​Krist­inn Steinn

Við töluðum sam­an eft­ir leik tvö og töluðum sam­an um þetta helsta hjá Frömur­um. Við þétt­um raðirn­ar og ákváðum að keyra á þá í dag. Það tókst,“ sagði hann.

Stemn­ing­in í Kaplakrika var með besta móti í kvöld. „Það er magnað. Við erum með hell­ing af fólki sem syng­ur og trall­ar all­an leik­inn. Það ýtir í bakið á okk­ur til að gera bet­ur.“

Fjórði leik­ur ein­víg­is­ins fer fram á sunnu­dag í Úlfarsár­dal og þá fær FH tæki­færi til að jafna met­in, ann­ars fer liðið í sum­ar­frí.

„Þeir spila vel í Úlfarsár­dal og við verðum að mæta enn bet­ur til leiks þá,“ sagði Ein­ar.

• Blogga um frétt