Snorri Steinn: Einhver ára yfir Reyni

Reyn­ir Þór Stef­áns­son leikmaður Fram er í landsliðshópn­um sem mæt­ir Bosn­íu á úti­velli og Georgíu á heima­velli í næsta mánuði. Er hann í hópn­um í fyrsta skipti og er landsliðsþjálf­ar­inn Snorri Steinn Guðjóns­son hrif­inn af leik­mann­in­um unga.

„Ég hef alltaf verið hrif­inn af hon­um. Hann er mjög heil­steypt­ur leikmaður. Það er ein­hver ára yfir hon­um sem mér finnst heill­andi. Hann er góður í hand­bolta, klók­ur, með mik­inn leikskiln­ing og góður skot­maður. Hann er framtíðarmaður.

Ef við gleym­um leikn­um í gær þá finnst mér hann vera sá leikmaður sem ger­ir ungt Framlið eitt af fjór­um bestu liðum lands­ins. Það er heill­andi, virðing­ar­vert og vel gert. Þetta er hluti af því að verðlauna hann og Fram í leiðinni. Mér finnst hann eiga skilið að vera í liðinu.

Við vilj­um líka stækka hóp­inn og leyfa mönn­um að kynn­ast þessu um­hverfi og sjá hvernig hann stend­ur sig á æf­ing­um með þess­um gaur­um,“ sagði Snorri Steinn um Reyni við mbl.is.

• Blogga um frétt