Viljum vinna riðilinn

„Mér líður vel fyr­ir þessa leiki,“ sagði Snorri Steinn Guðjóns­son landsliðsþjálf­ari karla í hand­bolta í sam­tali við mbl.is. Fram und­an hjá ís­lenska liðinu eru leik­ir við Bosn­íu og Georgíu í undan­keppni EM.

Er um síðustu leiki Íslands í undan­keppn­inni að ræða en sætið á EM hef­ur þegar verið tryggt með fjór­um sigr­um í fyrstu fjór­um leikj­un­um.

„Þetta er ekki frá­bær tíma­setn­ing fyr­ir þessa glugga. Ef ég fengi að ráða vildi ég tvo glugga fyr­ir ára­mót, upp á stór­mót­in að gera. Það er langt tíma­bil hjá öll­um og ef­laust ein­hver þreyta far­in að gera vart við sig.

Þetta er verk­efni sem við þurf­um að tækla. Það er gott að vera komn­ir á mótið en við vilj­um vinna riðil­inn. Ég vil vinna báða þessa leiki og ég legg mikla áherslu á það. Við verðum að halda áfram að sýna þá fag­mennsku sem hef­ur ein­kennt okk­ur í þess­ari undan­keppni. Það væri sterkt að vinna alla leik­ina í riðlin­um,“ sagði Snorri.

• Blogga um frétt